Patthana 13.7
13.7. Pītittika
Neither a German nor an English translation of this text is held here — the Pāli text is shown.
13.7. Pītittika
Hetu
Pītisahagataṁ dhammaṁ paṭicca napītisahagato dhammo uppajjati hetupaccayā. Pītisahagataṁ dhammaṁ paṭicca nasukhasahagato dhammo uppajjati hetupaccayā. Pītisahagataṁ dhammaṁ paṭicca naupekkhāsahagato dhammo uppajjati hetupaccayā. Pītisahagataṁ dhammaṁ paṭicca napītisahagato ca naupekkhāsahagato ca dhammā uppajjanti hetupaccayā. Pītisahagataṁ dhammaṁ paṭicca nasukhasahagato ca naupekkhāsahagato ca dhammā uppajjanti hetupaccayā. Pītisahagataṁ dhammaṁ paṭicca napītisahagato ca nasukhasahagato ca dhammā uppajjanti hetupaccayā. Pītisahagataṁ dhammaṁ paṭicca napītisahagato ca nasukhasahagato ca naupekkhāsahagato ca dhammā uppajjanti hetupaccayā.
Sukhasahagataṁ dhammaṁ paṭicca nasukhasahagato dhammo uppajjati hetupaccayā …pe… satta.
Upekkhāsahagataṁ dhammaṁ paṭicca naupekkhāsahagato dhammo uppajjati hetupaccayā …pe… satta.
Pītisahagatañca sukhasahagatañca dhammaṁ paṭicca napītisahagato dhammo uppajjati hetupaccayā …pe… satta. (Saṅkhittaṁ.)
Hetuyā aṭṭhavīsa, ārammaṇe catuvīsa …pe… avigate aṭṭhavīsa.
(Sahajātavārampi …pe… sampayuttavārampi pañhāvārampi sabbattha vitthāretabbaṁ.)