Patthana 15.22
15.22. Hetuduka, Sanidassanattika
Neither a German nor an English translation of this text is held here — the Pāli text is shown.
15.22. Hetuduka, Sanidassanattika
Nahetu sanidassanasappaṭigho dhammo nanahetussa nasanidassanasappaṭighassa dhammassa ārammaṇapaccayena paccayo …pe… nahetu sanidassanasappaṭigho dhammo nahetussa nasanidassanasappaṭighassa ca nanahetussa nasanidassanasappaṭighassa ca dhammassa ārammaṇapaccayena paccayo. Ārammaṇe tīṇi, adhipatiyā upanissaye purejāte atthiyā avigate tīṇi.
Nahetuṁ anidassanasappaṭighaṁ dhammaṁ paṭicca nahetu naanidassanasappaṭigho dhammo uppajjati hetupaccayā. Hetuyā ekaṁ …pe… avigate ekaṁ.
Hetuṁ anidassanaappaṭighaṁ dhammaṁ paṭicca nahetu naanidassanaappaṭigho dhammo uppajjati hetupaccayā. Nahetuṁ anidassanaappaṭighaṁ dhammaṁ paṭicca nahetu naanidassanaappaṭigho dhammo uppajjati hetupaccayā. Hetuṁ anidassanaappaṭighañca nahetuṁ anidassanaappaṭighañca dhammaṁ paṭicca nahetu naanidassanaappaṭigho dhammo uppajjati hetupaccayā. (3) Hetuyā tīṇi …pe… avigate tīṇi.