Patthana 15.71
15.71. Saraṇaduka, Vedanāttika
Neither a German nor an English translation of this text is held here — the Pāli text is shown.
15.71. Saraṇaduka, Vedanāttika
Saraṇaṁ sukhāya vedanāya sampayuttaṁ dhammaṁ paṭicca nasaraṇo nasukhāya vedanāya sampayutto dhammo uppajjati hetupaccayā. Saraṇaṁ sukhāya vedanāya sampayuttaṁ dhammaṁ paṭicca naaraṇo nasukhāya vedanāya sampayutto dhammo uppajjati hetupaccayā. Saraṇaṁ sukhāya vedanāya sampayuttaṁ dhammaṁ paṭicca nasaraṇo nasukhāya vedanāya sampayutto ca naaraṇo nasukhāya vedanāya sampayutto ca dhammā uppajjanti hetupaccayā.
Araṇaṁ sukhāya vedanāya sampayuttaṁ dhammaṁ paṭicca nasaraṇo nasukhāya vedanāya sampayutto dhammo uppajjati hetupaccayā. (Saṅkhittaṁ.)
Hetuyā cattāri, ārammaṇe dve …pe… vipāke ekaṁ …pe… avigate cattāri.
Saraṇaṁ dukkhāya vedanāya sampayuttaṁ dhammaṁ paṭicca nasaraṇo nadukkhāya vedanāya sampayutto dhammo uppajjati hetupaccayā. (Saṅkhittaṁ.)
Hetuyā tīṇi, ārammaṇe dve …pe… vipāke ekaṁ …pe… avigate tīṇi.
Saraṇaṁ adukkhamasukhāya vedanāya sampayuttaṁ dhammaṁ paṭicca nasaraṇo naadukkhamasukhāya vedanāya sampayutto dhammo uppajjati hetupaccayā ….
Hetuyā cattāri, ārammaṇe dve …pe… vipāke ekaṁ …pe… avigate cattāri.