Senāsanadāyakattheraapadāna

Neither a German nor an English translation of this text is held here — the Pāli text is shown.

“Siddhatthassa bhagavato,
adāsiṁ paṇṇasantharaṁ;
Samantā upahārañca,
kusumaṁ okiriṁ ahaṁ.

Pāsādevaṁ guṇaṁ rammaṁ,
Anubhomi mahārahaṁ;
Mahagghāni ca pupphāni,
Sayanebhisavanti me.

Sayanehaṁ tuvaṭṭāmi,
vicitte pupphasanthate;
Pupphavuṭṭhi ca sayane,
abhivassati tāvade.

Catunnavutito kappe,
adāsiṁ paṇṇasantharaṁ;
Duggatiṁ nābhijānāmi,
santharassa idaṁ phalaṁ.

Tiṇasantharakā nāma,
sattete cakkavattino;
Ito te pañcame kappe,
uppajjiṁsu janādhipā.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā senāsanadāyako thero imā gāthāyo abhāsitthāti.

Senāsanadāyakattherassāpadānaṁ aṭṭhamaṁ.