Sudassanattheraapadāna

Neither a German nor an English translation of this text is held here — the Pāli text is shown.

“Vinatā nadiyā tīre,
pilakkhu phalito ahu;
Tāhaṁ rukkhaṁ gavesanto,
addasaṁ lokanāyakaṁ.

Ketakaṁ pupphitaṁ disvā,
vaṇṭe chetvānahaṁ tadā;
Buddhassa abhiropesiṁ,
sikhino lokabandhuno.

Yena ñāṇena pattosi,
accutaṁ amataṁ padaṁ;
Taṁ ñāṇaṁ abhipūjemi,
buddhaseṭṭha mahāmuni.

Ñāṇamhi pūjaṁ katvāna,
pilakkhumaddasaṁ ahaṁ;
Paṭiladdhomhi taṁ paññaṁ,
ñāṇapūjāyidaṁ phalaṁ.

Ekattiṁse ito kappe,
yaṁ pupphamabhiropayiṁ;
Duggatiṁ nābhijānāmi,
ñāṇapūjāyidaṁ phalaṁ.

Ito terasakappamhi,
dvādasāsuṁ phaluggatā;
Sattaratanasampannā,
cakkavattī mahapphalā.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā sudassano thero imā gāthāyo abhāsitthāti.

Sudassanattherassāpadānaṁ dutiyaṁ.