Bandhujīvakattheraapadāna

Neither a German nor an English translation of this text is held here — the Pāli text is shown.

“Siddhattho nāma sambuddho,
sayambhū sabbhi vaṇṇito;
Samādhiṁ so samāpanno,
nisīdi pabbatantare.

Jātassare gavesanto,
dakajaṁ pupphamuttamaṁ;
Bandhujīvakapupphāni,
addasaṁ samanantaraṁ.

Ubho hatthehi paggayha,
upāgacchiṁ mahāmuniṁ;
Pasannacitto sumano,
siddhatthassābhiropayiṁ.

Catunnavutito kappe,
yaṁ pupphamabhiropayiṁ;
Duggatiṁ nābhijānāmi,
buddhapūjāyidaṁ phalaṁ.

Ito cātuddase kappe,
eko āsiṁ janādhipo;
Samuddakappo nāmena,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā bandhujīvako thero imā gāthāyo abhāsitthāti.

Bandhujīvakattherassāpadānaṁ dutiyaṁ.