Nigguṇḍipupphiyattheraapadāna

Neither a German nor an English translation of this text is held here — the Pāli text is shown.

“Vipassissa bhagavato,
āsimārāmiko ahaṁ;
Nigguṇḍipupphaṁ paggayha,
buddhassa abhiropayiṁ.

Ekanavutito kappe,
yaṁ pupphamabhipūjayiṁ;
Duggatiṁ nābhijānāmi,
buddhapūjāyidaṁ phalaṁ.

Pañcavīse ito kappe,
eko āsiṁ janādhipo;
Mahāpatāpanāmena,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā nigguṇḍipupphiyo thero imā gāthāyo abhāsitthāti.

Nigguṇḍipupphiyattherassāpadānaṁ pañcamaṁ.