Koraṇḍapupphiyattheraapadāna

Neither a German nor an English translation of this text is held here — the Pāli text is shown.

“Akkantañca padaṁ disvā,
cakkālaṅkārabhūsitaṁ;
Padenānupadaṁ yanto,
vipassissa mahesino.

Koraṇḍaṁ pupphitaṁ disvā,
samūlaṁ pūjitaṁ mayā;
Haṭṭho haṭṭhena cittena,
avandiṁ padamuttamaṁ.

Ekanavutito kappe,
yaṁ pupphamabhipūjayiṁ;
Duggatiṁ nābhijānāmi,
buddhapūjāyidaṁ phalaṁ.

Sattapaññāsakappamhi,
eko vītamalo ahuṁ;
Sattaratanasampanno,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā koraṇḍapupphiyo thero imā gāthāyo abhāsitthāti.

Koraṇḍapupphiyattherassāpadānaṁ aṭṭhamaṁ.