Tha Ap 234
2 Bhājanapālakattheraapadāna
Neither a German nor an English translation of this text is held here — the Pāli text is shown.
2 Bhājanapālakattheraapadāna
“Nagare bandhumatiyā,
kumbhakāro ahaṁ tadā;
Bhājanaṁ anupālesiṁ,
bhikkhusaṅghassa tāvade.
Ekanavutito kappe,
bhājanaṁ anupālayiṁ;
Duggatiṁ nābhijānāmi,
bhājanassa idaṁ phalaṁ.
Tepaññāse ito kappe,
anantajālināmako;
Sattaratanasampanno,
cakkavattī mahabbalo.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā bhājanapālako thero imā gāthāyo abhāsitthāti.
Bhājanapālakattherassāpadānaṁ dutiyaṁ.