Kilañjadāyakattheraapadāna

Neither a German nor an English translation of this text is held here — the Pāli text is shown.

“Tivarāyaṁ pure ramme,
naḷakāro ahaṁ tadā;
Siddhatthe lokapajjote,
pasannā janatā tahiṁ.

Pūjatthaṁ lokanāthassa,
kilañjaṁ pariyesati;
Buddhapūjaṁ karontānaṁ,
kilañjaṁ adadiṁ ahaṁ.

Catunnavutito kappe,
yaṁ kammamakariṁ tadā;
Duggatiṁ nābhijānāmi,
kilañjassa idaṁ phalaṁ.

Sattasattatikappamhi,
rājā āsiṁ jaladdharo;
Sattaratanasampanno,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā kilañjadāyako thero imā gāthāyo abhāsitthāti.

Kilañjadāyakattherassāpadānaṁ catutthaṁ.