Tha Ap 241
Jagatikārakattheraapadāna
Neither a German nor an English translation of this text is held here — the Pāli text is shown.
Jagatikārakattheraapadāna
“Nibbute lokanāthamhi,
atthadassi naruttame;
Jagatī kāritā mayhaṁ,
buddhassa thūpamuttame.
Aṭṭhārase kappasate,
yaṁ kammamakariṁ tadā;
Duggatiṁ nābhijānāmi,
jagatiyā idaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā jagatikārako thero imā gāthāyo abhāsitthāti.
Jagatikārakattherassāpadānaṁ navamaṁ.