Kuṭidāyakattheraapadāna

Neither a German nor an English translation of this text is held here — the Pāli text is shown.

“Vipinacārī sambuddho,
rukkhamūle vasī tadā;
Paṇṇasālaṁ karitvāna,
adāsiṁ aparājite.

Ekanavutito kappe,
yaṁ paṇṇakuṭikaṁ adaṁ;
Duggatiṁ nābhijānāmi,
kuṭidānassidaṁ phalaṁ.

Aṭṭhavīse ito kappe,
soḷasāsiṁsu rājāno;
Sabbattha abhivassīti,
vuccare cakkavattino.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā kuṭidāyako thero imā gāthāyo abhāsitthāti.

Kuṭidāyakattherassāpadānaṁ navamaṁ.