5 Ekañjalikattheraapadāna

Neither a German nor an English translation of this text is held here — the Pāli text is shown.

“Udumbare vasantassa,
niyate paṇṇasanthare;
Vutthokāso mayā dinno,
samaṇassa mahesino.

Tissassa dvipadindassa,
lokanāthassa tādino;
Añjaliṁ paggahetvāna,
santhariṁ pupphasantharaṁ.

Dvenavute ito kappe,
yaṁ kariṁ pupphasantharaṁ;
Duggatiṁ nābhijānāmi,
santharassa idaṁ phalaṁ.

Ito cuddasakappamhi,
ahosiṁ manujādhipo;
Ekaañjaliko nāma,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā ekañjaliko thero imā gāthāyo abhāsitthāti.

Ekañjalikattherassāpadānaṁ pañcamaṁ.