Pupphadhārakattheraapadāna

Neither a German nor an English translation of this text is held here — the Pāli text is shown.

“Vākacīradharo āsiṁ,
ajinuttaravāsano;
Abhiññā pañca nibbattā,
candassa parimajjako.

Vipassiṁ lokapajjotaṁ,
disvā abhigataṁ mamaṁ;
Pāricchattakapupphāni,
dhāresiṁ satthuno ahaṁ.

Ekanavutito kappe,
yaṁ pupphamabhipūjayiṁ;
Duggatiṁ nābhijānāmi,
dhāraṇāya idaṁ phalaṁ.

Sattāsītimhito kappe,
eko āsiṁ mahīpati;
Samantadhāraṇo nāma,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā pupphadhārako thero imā gāthāyo abhāsitthāti.

Pupphadhārakattherassāpadānaṁ dutiyaṁ.