Tha Ap 298
6 Pādapūjakattheraapadāna
Neither a German nor an English translation of this text is held here — the Pāli text is shown.
6 Pādapūjakattheraapadāna
“Pabbate himavantamhi,
ahosiṁ kinnaro tadā;
Addasaṁ virajaṁ buddhaṁ,
pītaraṁsiṁva bhāṇumaṁ.
Upetaṁ tamahaṁ buddhaṁ,
vipassiṁ lokanāyakaṁ;
Candanaṁ tagarañcāpi,
pāde osiñcahaṁ tadā.
Ekanavutito kappe,
yaṁ pādaṁ abhipūjayiṁ;
Duggatiṁ nābhijānāmi,
pādapūjāyidaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā pādapūjako thero imā gāthāyo abhāsitthāti.
Pādapūjakattherassāpadānaṁ chaṭṭhaṁ.