Saraṇagamaniyattheraapadāna

Neither a German nor an English translation of this text is held here — the Pāli text is shown.

“Pabbate himavantamhi,
ahosiṁ luddako tadā;
Vipassiṁ addasaṁ buddhaṁ,
lokajeṭṭhaṁ narāsabhaṁ.

Upāsitvāna sambuddhaṁ,
veyyāvaccamakāsahaṁ;
Saraṇañca upāgacchiṁ,
dvipadindassa tādino.

Ekanavutito kappe,
saraṇaṁ upagacchahaṁ;
Duggatiṁ nābhijānāmi,
saraṇāgamanapphalaṁ.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā saraṇagamaniyo thero imā gāthāyo abhāsitthāti.

Saraṇagamaniyattherassāpadānaṁ aṭṭhamaṁ.