Bhojanadāyakattheraapadāna

Neither a German nor an English translation of this text is held here — the Pāli text is shown.

“Sujāto sālalaṭṭhīva,
sobhañjanamivuggato;
Indalaṭṭhirivākāse,
virocati sadā jino.

Tassa devātidevassa,
vessabhussa mahesino;
Adāsi bhojanamahaṁ,
vippasannena cetasā.

Taṁ me buddho anumodi,
sayambhū aparājito;
Bhave nibbattamānamhi,
phalaṁ nibbattatū tava.

Ekattiṁse ito kappe,
yaṁ dānamadadiṁ tadā;
Duggatiṁ nābhijānāmi,
bhojanassa idaṁ phalaṁ.

Pañcavīse ito kappe,
eko āsiṁ amittako;
Sattaratanasampanno,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā bhojanadāyako thero imā gāthāyo abhāsitthāti.

Bhojanadāyakattherassāpadānaṁ dutiyaṁ.