Gatasaññakattheraapadāna

Neither a German nor an English translation of this text is held here — the Pāli text is shown.

“Ākāseva padaṁ natthi,
ambare anilañjase;
Siddhatthaṁ jinamaddakkhiṁ,
gacchantaṁ tidivaṅgaṇe.

Anileneritaṁ disvā,
sammāsambuddhacīvaraṁ;
Vitti mamāhu tāvade,
disvāna gamanaṁ muniṁ.

Catunnavutito kappe,
yaṁ saññamalabhiṁ tadā;
Duggatiṁ nābhijānāmi,
buddhasaññāyidaṁ phalaṁ.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā gatasaññako thero imā gāthāyo abhāsitthāti.

Gatasaññakattherassāpadānaṁ tatiyaṁ.