Ambayāgudāyakattheraapadāna

Neither a German nor an English translation of this text is held here — the Pāli text is shown.

“Sataraṁsī nāma sambuddho,
sayambhū aparājito;
Vuṭṭhahitvā samādhimhā,
bhikkhāya mamupāgami.

Paccekabuddhaṁ disvāna,
ambayāguṁ adāsahaṁ;
Vippasannamanaṁ tassa,
vippasannena cetasā.

Catunnavutito kappe,
yaṁ kammamakariṁ tadā;
Duggatiṁ nābhijānāmi,
ambayāguyidaṁ phalaṁ.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā ambayāgudāyako thero imā gāthāyo abhāsitthāti.

Ambayāgudāyakattherassāpadānaṁ chaṭṭhaṁ.