7 Supuṭakapūjakattheraapadāna

Neither a German nor an English translation of this text is held here — the Pāli text is shown.

“Divāvihārā nikkhanto,
vipassī lokanāyako;
Bhikkhāya vicaranto so,
mama santikupāgami.

Tato patīto sumano,
buddhaseṭṭhassa tādino;
Loṇasupuṭakaṁ datvā,
kappaṁ saggamhi modahaṁ.

Ekanavutito kappe,
yaṁ puṭakamadāsahaṁ;
Duggatiṁ nābhijānāmi,
puṭakassa idaṁ phalaṁ.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā supuṭakapūjako thero imā gāthāyo abhāsitthāti.

Supuṭakapūjakattherassāpadānaṁ sattamaṁ.