Kesarapupphiyattheraapadāna

Neither a German nor an English translation of this text is held here — the Pāli text is shown.

“Vijjādharo tadā āsiṁ,
himavantamhi pabbate;
Addasaṁ virajaṁ buddhaṁ,
caṅkamantaṁ mahāyasaṁ.

Tīṇi kesarapupphāni,
sīse katvānahaṁ tadā;
Upasaṅkamma sambuddhaṁ,
vessabhuṁ abhipūjayiṁ.

Ekattiṁse ito kappe,
yaṁ kammamakariṁ tadā;
Duggatiṁ nābhijānāmi,
buddhapūjāyidaṁ phalaṁ.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā kesarapupphiyo thero imā gāthāyo abhāsitthāti.

Kesarapupphiyattherassāpadānaṁ catutthaṁ.