Tha Ap 88
6 Dutiyaraṁsisaññakattheraapadāna
Neither a German nor an English translation of this text is held here — the Pāli text is shown.
6 Dutiyaraṁsisaññakattheraapadāna
“Pabbate himavantamhi,
vākacīradharo ahaṁ;
Caṅkamañca samārūḷho,
nisīdiṁ pācināmukho.
Pabbate sugataṁ disvā,
phussaṁ jhānarataṁ tadā;
Añjaliṁ paggahetvāna,
raṁsyā cittaṁ pasādayiṁ.
Dvenavute ito kappe,
yaṁ saññamalabhiṁ tadā;
Duggatiṁ nābhijānāmi,
raṁsisaññāyidaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā raṁsisaññako thero imā gāthāyo abhāsitthāti.
Dutiyaraṁsisaññakattherassāpadānaṁ chaṭṭhaṁ.