Dt 2.2
2.2. Zweite Methode: Erklärung der durch Eingeschlossenes nicht Eingeschlossenen
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
2.2. Dutiyanaya Saṅgahitenaasaṅgahitapadaniddesa
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
2.2. Dutiyanaya Saṅgahitenaasaṅgahitapadaniddesa
Cakkhāyatanena ye dhammā … phoṭṭhabbāyatanena ye dhammā … cakkhudhātuyā ye dhammā … phoṭṭhabbadhātuyā ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā catūhi khandhehi dvīhāyatanehi aṭṭhahi dhātūhi asaṅgahitā.
Cakkhuviññāṇadhātuyā ye dhammā … sotaviññāṇadhātuyā ye dhammā … ghānaviññāṇadhātuyā ye dhammā … jivhāviññāṇadhātuyā ye dhammā … kāyaviññāṇadhātuyā ye dhammā … manodhātuyā ye dhammā … manoviññāṇadhātuyā ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi ekādasahāyatanehi dvādasahi dhātūhi asaṅgahitā.
Cakkhundriyena ye dhammā … sotindriyena ye dhammā … ghānindriyena ye dhammā … jivhindriyena ye dhammā … kāyindriyena ye dhammā … itthindriyena ye dhammā … purisindriyena ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
Asaññābhavena ye dhammā … ekavokārabhavena ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi tīhāyatanehi navahi dhātūhi asaṅgahitā.
Paridevena ye dhammā … sanidassanasappaṭighehi dhammehi ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
Anidassanasappaṭighehi dhammehi ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi dasahāyatanehi soḷasahi dhātūhi asaṅgahitā.
Sanidassanehi dhammehi ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā …pe… te dhammā catūhi khandhehi dvīhāyatanehi aṭṭhahi dhātūhi asaṅgahitā.
Sappaṭighehi dhammehi ye dhammā … upādādhammehi ye dhammā khandhasaṅgahena saṅgahitā āyatanasaṅgahena asaṅgahitā dhātusaṅgahena asaṅgahitā, te dhammā katihi khandhehi katihāyatanehi katihi dhātūhi asaṅgahitā? Te dhammā catūhi khandhehi ekādasahāyatanehi sattarasahi dhātūhi asaṅgahitā.
Dasāyatanā sattarasa dhātuyo,
Sattindriyā asaññābhavo ekavokārabhavo;
Paridevo sanidassanasappaṭighaṁ,
Anidassanaṁ punadeva sappaṭighaṁ upādāti. [42]
Saṅgahitena asaṅgahitapadaniddeso dutiyo.