Kv 10.10
Erörterung über „Die Andeutung ist Sittlichkeit“
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Viññattisīlantikathā
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Dasamavagga
Viññattisīlantikathā
Viññatti sīlanti? Āmantā. Pāṇātipātā veramaṇīti? Na hevaṁ vattabbe …pe… adinnādānā veramaṇīti? Na hevaṁ vattabbe …pe… kāmesumicchācārā veramaṇīti? Na hevaṁ vattabbe …pe… musāvādā veramaṇīti? Na hevaṁ vattabbe …pe… surāmerayamajjapamādaṭṭhānā veramaṇīti? Na hevaṁ vattabbe …pe….
Abhivādanaṁ sīlaṁ, paccuṭṭhānaṁ sīlaṁ, añjalikammaṁ sīlaṁ, sāmīcikammaṁ sīlaṁ, āsanābhihāro sīlaṁ, seyyābhihāro sīlaṁ, pādodakābhihāro sīlaṁ, pādakathalikābhihāro sīlaṁ, nhāne piṭṭhiparikammaṁ sīlanti? Āmantā. Pāṇātipātā veramaṇīti? Na hevaṁ vattabbe …pe… surāmerayamajjapamādaṭṭhānā veramaṇīti? Na hevaṁ vattabbe …pe….
Na vattabbaṁ— “viññatti sīlan”ti? Āmantā. Dussilyanti? Na hevaṁ vattabbe …pe… tena hi viññatti sīlanti.
Viññatti sīlantikathā niṭṭhitā.