Kv 23.1
Erörterung über die gemeinsame Absicht
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Ekādhippāyakathā
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Tevīsatimavagga
Ekādhippāyakathā
Ekādhippāyena methuno dhammo paṭisevitabboti? Āmantā. Ekādhippāyena assamaṇena hotabbaṁ, abhikkhunā hotabbaṁ, chinnamūlena hotabbaṁ pārājikena hotabbanti? Na hevaṁ vattabbe …pe… ekādhippāyena methuno dhammo paṭisevitabboti? Āmantā. Ekādhippāyena pāṇo hantabbo, adinnaṁ ādiyitabbaṁ, musā bhaṇitabbā, pisuṇaṁ bhaṇitabbaṁ, pharusaṁ bhaṇitabbaṁ, samphaṁ palapitabbaṁ, sandhi cheditabbo, nillopaṁ hātabbaṁ, ekāgārikaṁ kātabbaṁ, paripanthe ṭhātabbaṁ, paradāro gantabbo, gāmaghātako kātabbo, nigamaghātako kātabboti? Na hevaṁ vattabbe …pe….
Ekādhippāyakathā niṭṭhitā.