Patthana 16.26
Dreiergruppe der Gefühle, Zweiergruppe der Wurzelursachen
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
16.26. Vedanāttika, Hetuduka
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
16.26. Vedanāttika, Hetuduka
Sukhāya vedanāya sampayuttaṁ hetuṁ dhammaṁ paṭicca nasukhāya vedanāya sampayutto nahetu dhammo uppajjati hetupaccayā. Sukhāya vedanāya sampayuttaṁ hetuṁ dhammaṁ paṭicca nadukkhāya vedanāya sampayutto nahetu dhammo uppajjati hetupaccayā. Sukhāya vedanāya sampayuttaṁ hetuṁ dhammaṁ paṭicca naadukkhamasukhāya vedanāya sampayutto nahetu dhammo uppajjati hetupaccayā …pe… satta pañhā.
Dukkhāya vedanāya sampayuttaṁ hetuṁ dhammaṁ paṭicca nadukkhāya vedanāya sampayutto nahetu dhammo uppajjati hetupaccayā … satta pañhā.
Adukkhamasukhāya vedanāya sampayuttaṁ hetuṁ dhammaṁ paṭicca naadukkhamasukhāya vedanāya sampayutto nahetu dhammo uppajjati hetupaccayā … satta pañhā. (Saṅkhittaṁ.)
Hetuyā ekavīsa …pe… vipāke cuddasa …pe… avigate ekavīsa. (Sabbattha ekavīsa.)
Sukhāya vedanāya sampayuttaṁ nahetuṁ dhammaṁ paṭicca nadukkhāya vedanāya sampayutto nanahetu dhammo uppajjati hetupaccayā. Sukhāya vedanāya sampayuttaṁ nahetuṁ dhammaṁ paṭicca naadukkhamasukhāya vedanāya sampayutto nanahetu dhammo uppajjati hetupaccayā. Sukhāya vedanāya sampayuttaṁ nahetuṁ dhammaṁ paṭicca nadukkhāya vedanāya sampayutto nanahetu ca naadukkhamasukhāya vedanāya sampayutto nanahetu ca dhammā uppajjanti hetupaccayā.
Dukkhāya vedanāya sampayuttaṁ nahetuṁ dhammaṁ paṭicca nasukhāya vedanāya sampayutto nanahetu dhammo uppajjati hetupaccayā … tīṇi.
Adukkhamasukhāya vedanāya sampayuttaṁ nahetuṁ dhammaṁ paṭicca nasukhāya vedanāya sampayutto nanahetu dhammo uppajjati hetupaccayā … tīṇi. (Saṅkhittaṁ.)
Hetuyā nava …pe… vipāke cha …pe… avigate nava.