Patthana 19.14
19.14. Paar der Dreiergruppen des Vergangenen
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
19.14. Atītattikadvaya
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
19.14. Atītattikadvaya
Naatīto dhammo paccuppannassa dhammassa hetupaccayena paccayo. Naanāgato dhammo paccuppannassa dhammassa hetupaccayena paccayo. Naatīto ca naanāgato ca dhammā paccuppannassa dhammassa hetupaccayena paccayo. (Saṅkhittaṁ.)
Hetuyā tīṇi, ārammaṇe adhipatiyā satta, anantare tīṇi …pe… nissaye tīṇi, upanissaye satta, purejāte pacchājāte tīṇi …pe… avigate tīṇi.
Naatītārammaṇaṁ dhammaṁ paṭicca atītārammaṇo dhammo uppajjati hetupaccayā. Naatītārammaṇaṁ dhammaṁ paṭicca anāgatārammaṇo dhammo uppajjati hetupaccayā. Naatītārammaṇaṁ dhammaṁ paṭicca paccuppannārammaṇo dhammo uppajjati hetupaccayā … tīṇi.
Naanāgatārammaṇaṁ dhammaṁ paṭicca atītārammaṇo dhammo uppajjati hetupaccayā. Naanāgatārammaṇaṁ dhammaṁ paṭicca paccuppannārammaṇo dhammo uppajjati hetupaccayā … dve.
Napaccuppannārammaṇaṁ dhammaṁ paṭicca paccuppannārammaṇo dhammo uppajjati hetupaccayā. Napaccuppannārammaṇaṁ dhammaṁ paṭicca atītārammaṇo dhammo uppajjati hetupaccayā. Napaccuppannārammaṇaṁ dhammaṁ paṭicca anāgatārammaṇo dhammo uppajjati hetupaccayā … tīṇi. (Saṅkhittaṁ.)
Hetuyā sattarasa, ārammaṇe pannarasa, adhipatiyā nava …pe… purejāte āsevane nava …pe… avigate sattarasa.