Tha Ap 119
Lebensgeschichte des Mönchs, der den Buddha wahrnahm
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Buddhasaññakattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Buddhasaññakattheraapadāna
“Yadā vipassī lokaggo,
āyusaṅkhāramossaji;
Pathavī sampakampittha,
medanī jalamekhalā.
Otataṁ vitthataṁ mayhaṁ,
suvicittavaṭaṁsakaṁ;
Bhavanampi pakampittha,
buddhassa āyusaṅkhaye.
Tāso mayhaṁ samuppanno,
bhavane sampakampite;
Uppādo nu kimatthāya,
āloko vipulo ahu.
Vessavaṇo idhāgamma,
nibbāpesi mahājanaṁ;
Pāṇabhūte bhayaṁ natthi,
ekaggā hotha saṁvutā.
Aho buddhā aho dhammā,
aho no satthu sampadā;
Yasmiṁ uppajjamānamhi,
pathavī sampakampati.
Buddhānubhāvaṁ kittetvā,
kappaṁ saggamhi modahaṁ;
Avasesesu kappesu,
kusalaṁ caritaṁ mayā.
Ekanavutito kappe,
yaṁ saññamalabhiṁ tadā;
Duggatiṁ nābhijānāmi,
buddhasaññāyidaṁ phalaṁ.
Ito cuddasakappamhi,
rājā āsiṁ patāpavā;
Samito nāma nāmena,
cakkavattī mahabbalo.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā buddhasaññako thero imā gāthāyo abhāsitthāti.
Buddhasaññakattherassāpadānaṁ sattamaṁ.