Tha Ap 121
Lebensgeschichte des Paccupaṭṭhānasaññaka
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Paccupaṭṭhānasaññakattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Paccupaṭṭhānasaññakattheraapadāna
“Atthadassimhi sugate,
nibbute samanantarā;
Yakkhayoniṁ upapajjiṁ,
yasaṁ patto cahaṁ tadā.
Dulladdhaṁ vata me āsi,
duppabhātaṁ duruṭṭhitaṁ;
Yaṁ me bhoge vijjamāne,
parinibbāyi cakkhumā.
Mama saṅkappamaññāya,
sāgaro nāma sāvako;
Mamuddharitukāmo so,
āgacchi mama santikaṁ.
Kiṁ nu socasi mā bhāyi,
cara dhammaṁ sumedhasa;
Anuppadinnā buddhena,
sabbesaṁ bījasampadā.
Yo ce pūjeyya sambuddhaṁ,
tiṭṭhantaṁ lokanāyakaṁ;
Dhātuṁ sāsapamattampi,
nibbutassāpi pūjaye.
Same cittappasādamhi,
samaṁ puññaṁ mahaggataṁ;
Tasmā thūpaṁ karitvāna,
pūjehi jinadhātuyo.
Sāgarassa vaco sutvā,
buddhathūpaṁ akāsahaṁ;
Pañcavasse paricariṁ,
munino thūpamuttamaṁ.
Tena kammena dvipadinda,
lokajeṭṭha narāsabha;
Sampattiṁ anubhotvāna,
arahattamapāpuṇiṁ.
Bhūripaññā ca cattāro,
sattakappasate ito;
Sattaratanasampannā,
cakkavattī mahabbalā.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā paccupaṭṭhānasaññako thero imā gāthāyo abhāsitthāti.
Paccupaṭṭhānasaññakattherassāpadānaṁ navamaṁ.