Tha Ap 125
3 Lebensgeschichte des Mönchs Milchreis-Spender
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
3 Pāyasadāyakattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
3 Pāyasadāyakattheraapadāna
“Suvaṇṇavaṇṇo sambuddho,
Bāttiṁsavaralakkhaṇo;
Pavanā abhinikkhanto,
Bhikkhusaṅghapurakkhato.
Mahaccā kaṁsapātiyā,
vaḍḍhetvā pāyasaṁ ahaṁ;
Āhutiṁ yiṭṭhukāmo so,
upanesiṁ baliṁ ahaṁ.
Bhagavā tamhi samaye,
lokajeṭṭho narāsabho;
Caṅkamaṁ susamārūḷho,
ambare anilāyane.
Tañca acchariyaṁ disvā,
abbhutaṁ lomahaṁsanaṁ;
Ṭhapayitvā kaṁsapātiṁ,
vipassiṁ abhivādayiṁ.
Tuvaṁ devosi sabbaññū,
sadeve sahamānuse;
Anukampaṁ upādāya,
paṭigaṇha mahāmuni.
Paṭiggahesi bhagavā,
sabbaññū lokanāyako;
Mama saṅkappamaññāya,
satthā loke mahāmuni.
Ekanavutito kappe,
yaṁ dānamadadiṁ tadā;
Duggatiṁ nābhijānāmi,
pāyasassa idaṁ phalaṁ.
Ekatālīsito kappe,
buddho nāmāsi khattiyo;
Sattaratanasampanno,
cakkavattī mahabbalo.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā pāyasadāyako thero imā gāthāyo abhāsitthāti.
Pāyasadāyakattherassāpadānaṁ tatiyaṁ.