Tha Ap 192
Lebensgeschichte des Mönchs mit den Tivaṇṭi-Blüten
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Tivaṇṭipupphiyattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Tivaṇṭipupphiyattheraapadāna
“Abhibhūtaṁ panijjhanti,
Sabbe saṅgamma te mamaṁ;
Tesaṁ nijjhāyamānānaṁ,
Pariḷāho ajāyatha.
Sunando nāma nāmena,
buddhassa sāvako tadā;
Dhammadassissa munino,
āgacchi mama santikaṁ.
Ye me baddhacarā āsuṁ,
te me pupphaṁ aduṁ tadā;
Tāhaṁ pupphaṁ gahetvāna,
sāvake abhiropayiṁ.
Sohaṁ kālaṅkato tattha,
punāpi upapajjahaṁ;
Aṭṭhārase kappasate,
vinipātaṁ na gacchahaṁ.
Teraseto kappasate,
aṭṭhāsuṁ dhūmaketuno;
Sattaratanasampannā,
cakkavattī mahabbalā.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā tivaṇṭipupphiyo thero imā gāthāyo abhāsitthāti.
Tivaṇṭipupphiyattherassāpadānaṁ dasamaṁ.
Kuṭajapupphiyavaggo ekūnavīsatimo.
Tassuddānaṁ
Kuṭajo bandhujīvī ca,
koṭumbarikahatthiyo;
Isimuggo ca bodhi ca,
ekacintī tikaṇṇiko;
Ekacārī tivaṇṭi ca,
gāthā dvāsaṭṭhi kittitāti.