Tha Ap 57
5 Lebensgeschichte des Opavayha
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
5 Opavayhattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
5 Opavayhattheraapadāna
“Padumuttarabuddhassa,
ājānīyamadāsahaṁ;
Niyyādetvāna sambuddhe,
agamāsiṁ sakaṁ gharaṁ.
Devalo nāma nāmena,
satthuno aggasāvako;
Varadhammassa dāyādo,
āgacchi mama santikaṁ.
Sapattabhāro bhagavā,
ājāneyyo na kappati;
Tava saṅkappamaññāya,
adhivāsesi cakkhumā.
Agghāpetvā vātajavaṁ,
sindhavaṁ sīghavāhanaṁ;
Padumuttarabuddhassa,
khamanīyamadāsahaṁ.
Yaṁ yaṁ yonupapajjāmi,
devattaṁ atha mānusaṁ;
Khamanīyaṁ vātajavaṁ,
cittaṁ nibbattate mama.
Lābhaṁ tesaṁ suladdhaṁva,
ye labhantupasampadaṁ;
Punapi payirupāseyyaṁ,
buddho loke sace bhave.
Aṭṭhavīsatikkhattuṁhaṁ,
rājā āsiṁ mahabbalo;
Cāturanto vijitāvī,
jambusaṇḍassa issaro.
Idaṁ pacchimakaṁ mayhaṁ,
carimo vattate bhavo;
Pattosmi acalaṁ ṭhānaṁ,
hitvā jayaparājayaṁ.
Catutiṁsasahassamhi,
mahātejosi khattiyo;
Sattaratanasampanno,
cakkavattī mahabbalo.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā opavayho thero imā gāthāyo abhāsitthāti.
Opavayhattherassāpadānaṁ pañcamaṁ.