Tha Ap 86
Lebensgeschichte des Adhopupphiya
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
Adhopupphiyattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Adhopupphiyattheraapadāna
“Abhibhū nāma so bhikkhu,
sikhino aggasāvako;
Mahānubhāvo tevijjo,
himavantaṁ upāgami.
Ahampi himavantamhi,
ramaṇīyassame isi;
Vasāmi appamaññāsu,
iddhīsu ca tadā vasī.
Pakkhijāto viyākāse,
pabbataṁ adhivatthayiṁ;
Adhopupphaṁ gahetvāna,
āgacchiṁ pabbataṁ ahaṁ.
Satta pupphāni gaṇhitvā,
matthake okiriṁ ahaṁ;
Ālokite ca vīrena,
pakkāmiṁ pācināmukho.
Āvāsaṁ abhisambhosiṁ,
patvāna assamaṁ ahaṁ;
Khāribhāraṁ gahetvāna,
pāyāsiṁ pabbatantaraṁ.
Ajagaro maṁ pīḷesi,
ghorarūpo mahabbalo;
Pubbakammaṁ saritvāna,
tattha kālaṅkato ahaṁ.
Ekattiṁse ito kappe,
yaṁ pupphamabhiropayiṁ;
Duggatiṁ nābhijānāmi,
pupphapūjāyidaṁ phalaṁ.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā adhopupphiyo thero imā gāthāyo abhāsitthāti.
Adhopupphiyattherassāpadānaṁ catutthaṁ.