Vv 56
Die erste Geschichte vom Himmelspalast der erfüllten Pflicht
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
6. Paṭhamakaraṇīyavimānavatthu
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
Mahārathavagga
6. Paṭhamakaraṇīyavimānavatthu
“Uccamidaṁ maṇithūṇaṁ vimānaṁ,
Samantato dvādasa yojanāni;
Kūṭāgārā sattasatā uḷārā,
Veḷuriyathambhā rucakatthatā subhā.
Tatthacchasi pivasi khādasi ca,
Dibbā ca vīṇā pavadanti vagguṁ;
Dibbā rasā kāmaguṇettha pañca,
Nāriyo ca naccanti suvaṇṇachannā.
Kena tetādiso vaṇṇo,
…pe…
Vaṇṇo ca te sabbadisā pabhāsatī”ti.
So devaputto attamano,
…pe…
yassa kammassidaṁ phalaṁ.
“Karaṇīyāni puññāni,
paṇḍitena vijānatā;
Sammaggatesu buddhesu,
yattha dinnaṁ mahapphalaṁ.
Atthāya vata me buddho,
araññā gāmamāgato;
Tattha cittaṁ pasādetvā,
tāvatiṁsūpago ahaṁ.
Tena metādiso vaṇṇo,
…pe…
Vaṇṇo ca me sabbadisā pabhāsatī”ti.
Paṭhamakaraṇīyavimānaṁ chaṭṭhaṁ.