Sīhāsanadāyakattheraapadāna

Neither a German nor an English translation of this text is held here — the Pāli text is shown.

“Nibbute lokanāthamhi,
padumuttaranāyake;
Pasannacitto sumano,
sīhāsanamadāsahaṁ.

Bahūhi gandhamālehi,
diṭṭhadhammasukhāvahe;
Tattha pūjañca katvāna,
nibbāyati bahujjano.

Pasannacitto sumano,
vanditvā bodhimuttamaṁ;
Kappānaṁ satasahassaṁ,
duggatiṁ nupapajjahaṁ.

Pannarasasahassamhi,
kappānaṁ aṭṭha āsu te;
Siluccayasanāmā ca,
rājāno cakkavattino.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā sīhāsanadāyako thero imā gāthāyo abhāsitthāti.

Sīhāsanadāyakattherassāpadānaṁ pañcamaṁ.