Taraṇiyattheraapadāna

Neither a German nor an English translation of this text is held here — the Pāli text is shown.

“Atthadassī tu bhagavā,
dvipadindo narāsabho;
Purakkhato sāvakehi,
gaṅgātīramupāgami.

Samatitti kākapeyyā,
gaṅgā āsi duruttarā;
Uttārayiṁ bhikkhusaṅghaṁ,
buddhañca dvipaduttamaṁ.

Aṭṭhārase kappasate,
yaṁ kammamakariṁ tadā;
Duggatiṁ nābhijānāmi,
taraṇāya idaṁ phalaṁ.

Teraseto kappasate,
pañca sabbobhavā ahuṁ;
Sattaratanasampannā,
cakkavattī mahabbalā.

Pacchime ca bhave asmiṁ,
jātohaṁ brāhmaṇe kule;
Saddhiṁ tīhi sahāyehi,
pabbajiṁ satthu sāsane.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā taraṇiyo thero imā gāthāyo abhāsitthāti.

Taraṇiyattherassāpadānaṁ catutthaṁ.