Aggapupphiyattheraapadāna

Neither a German nor an English translation of this text is held here — the Pāli text is shown.

“Suvaṇṇavaṇṇaṁ sambuddhaṁ,
Nisinnaṁ pabbatantare;
Obhāsayantaṁ raṁsena,
Sikhinaṁ sikhinaṁ yathā.

Aggajaṁ pupphamādāya,
upāgacchiṁ naruttamaṁ;
Pasannacitto sumano,
buddhassa abhiropayiṁ.

Ekattiṁse ito kappe,
yaṁ pupphamabhipūjayiṁ;
Duggatiṁ nābhijānāmi,
buddhapūjāyidaṁ phalaṁ.

Pañcavīsatikappamhi,
ahosi amitogato;
Sattaratanasampanno,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā aggapupphiyo thero imā gāthāyo abhāsitthāti.

Aggapupphiyattherassāpadānaṁ dasamaṁ.

Thomakavaggo chabbīsatimo.

Tassuddānaṁ

Thomakekāsanacitakaṁ,
campako sattapāṭali;
Pānadhi mañjarī paṇṇaṁ,
kuṭido aggapupphiyo;
Gāthāyo gaṇitā cettha,
ekatālīsameva cāti.