Bhisāluvadāyakattheraapadāna

Neither a German nor an English translation of this text is held here — the Pāli text is shown.

“Kānanaṁ vanamogayha,
vasāmi vipine ahaṁ;
Vipassiṁ addasaṁ buddhaṁ,
āhutīnaṁ paṭiggahaṁ.

Bhisāluvañca pādāsiṁ,
udakaṁ hatthadhovanaṁ;
Vanditvā sirasā pāde,
pakkāmi uttarāmukho.

Ekanavutito kappe,
bhisāluvamadaṁ tadā;
Duggatiṁ nābhijānāmi,
puññakammassidaṁ phalaṁ.

Ito tatiyake kappe,
bhisasammatakhattiyo;
Sattaratanasampanno,
cakkavattī mahabbalo.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā bhisāluvadāyako thero imā gāthāyo abhāsitthāti.

Bhisāluvadāyakattherassāpadānaṁ catutthaṁ. Chaṭṭhabhāṇavāraṁ.