Bodhisiñcakattheraapadāna

Neither a German nor an English translation of this text is held here — the Pāli text is shown.

“Vipassissa bhagavato,
mahābodhimaho ahu;
Pabbajjupagato santo,
upagacchiṁ ahaṁ tadā.

Kusumodakamādāya,
bodhiyā okiriṁ ahaṁ;
Mocayissati no mutto,
nibbāpessati nibbuto.

Ekanavutito kappe,
yaṁ bodhimabhisiñcayiṁ;
Duggatiṁ nābhijānāmi,
bodhisiñcāyidaṁ phalaṁ.

Tettiṁse vattamānamhi,
kappe āsuṁ janādhipā;
Udakasecanā nāma,
aṭṭhete cakkavattino.

Paṭisambhidā catasso,
…pe…
kataṁ buddhassa sāsanaṁ”.

Itthaṁ sudaṁ āyasmā bodhisiñcako thero imā gāthāyo abhāsitthāti.

Bodhisiñcakattherassāpadānaṁ navamaṁ.