Vv 51
1. Maṇḍūkadevaputtavimānavatthu
Neither a German nor an English translation of this text is held here — the Pāli text is shown.
Mahārathavagga
1. Maṇḍūkadevaputtavimānavatthu
“Ko me vandati pādāni,
iddhiyā yasasā jalaṁ;
Abhikkantena vaṇṇena,
sabbā obhāsayaṁ disā”ti.
“Maṇḍūkohaṁ pure āsiṁ,
udake vārigocaro;
Tava dhammaṁ suṇantassa,
avadhī vacchapālako.
Muhuttaṁ cittapasādassa,
iddhiṁ passa yasañca me;
Ānubhāvañca me passa,
vaṇṇaṁ passa jutiñca me.
Ye ca te dīghamaddhānaṁ,
dhammaṁ assosuṁ gotama;
Pattā te acalaṭṭhānaṁ,
yattha gantvā na socare”ti.
Maṇḍūkadevaputtavimānaṁ paṭhamaṁ.