Tha Ap 56
4 Lebensgeschichte des Mönchs mit dem Duftwasser
Arbeitsübersetzung Dieser Titel ist maschinell übersetzt und noch nicht von Menschen geprüft. Der Text selbst ist nicht übersetzt.
4 Gandhodakiyattheraapadāna
Von diesem Text gibt es hier weder eine deutsche noch eine englische Übersetzung — angezeigt wird der Pāli-Wortlaut.
4 Gandhodakiyattheraapadāna
“Padumuttarabuddhassa,
mahābodhimaho ahu;
Vicittaṁ ghaṭamādāya,
gandhodakamadāsahaṁ.
Nhānakāle ca bodhiyā,
mahāmegho pavassatha;
Ninnādo ca mahā āsi,
asaniyā phalantiyā.
Tenevāsanivegena,
tattha kālaṅkato ahaṁ;
Devaloke ṭhito santo,
imā gāthā abhāsahaṁ.
‘Aho buddhā aho dhammā,
aho no satthusampadā;
Kaḷevaraṁ me patitaṁ,
devaloke ramāmahaṁ.
Ubbiddhaṁ bhavanaṁ mayhaṁ,
Satabhūmaṁ samuggataṁ;
Kaññāsatasahassāni,
Parivārenti maṁ sadā.
Ābādhā me na vijjanti,
soko mayhaṁ na vijjati;
Pariḷāhaṁ na passāmi,
puññakammassidaṁ phalaṁ.
Aṭṭhavīse kappasate,
rājā saṁvasito ahuṁ;
Sattaratanasampanno,
cakkavattī mahabbalo’.
Paṭisambhidā catasso,
…pe…
kataṁ buddhassa sāsanaṁ”.
Itthaṁ sudaṁ āyasmā gandhodakiyo thero imā gāthāyo abhāsitthāti.
Gandhodakiyattherassāpadānaṁ catutthaṁ.